Fillon llogaritja verore e kohës më 29 mars, debati për heqjen vazhdon pa vendim final

Më 29 mars në orën dy pas mesnatës do të fillojë llogaritja verore e kohës, ku akrepat e orës do të lëvizin një orë përpara, duke bërë që errësira të vijë më vonë. Ky sistem synon të shfrytëzojë më mirë dritën e ditës duke zgjatur periudhën me dritë në mbrëmje, por për vite me radhë shkencëtarët diskutojnë për ndikimet negative shëndetësore që sjell ndryshimi i orës. Ndryshimi i orarit shkakton çrregullime të bioritmit, si pagjumësi, lodhje, depresion dhe probleme të tjera shëndetësore, ndërsa ndikon edhe në rritjen e aksidenteve rrugore, sidomos në vjeshtë. Megjithëse Komisioni Evropian mbështeti në 2019 heqjen e këtij ndryshimi, vendimi përfundimtar është shtyrë për shkak të pandemisë së koronavirusit.