Gjykata e Apelit në Paris ka shpallur fajtorë kompaninë ajrore Air France dhe prodhuesin e avionëve Airbus për vrasje nga pakujdesia lidhur me rrëzimin e fluturimit AF447 në vitin 2009, ku humbën jetën 228 persona. Ky aksident ndodhi gjatë një stuhie mbi Oqeanin Atlantik, kur avioni humbi kontrollin dhe u rrëzua, duke mos lënë asnjë të mbijetuar. Vendimi erdhi pas një apelimi nga familjarët e viktimave, pasi në vitin 2023 të dy kompanitë ishin liruar nga përgjegjësia penale, por tani janë shpallur përgjegjës për neglizhencë në sigurinë e fluturimit. Gjykata kërkoi që Air France dhe Airbus të paguajnë gjobën maksimale prej 225 mijë eurosh secila, një shumë që disa familjarë e konsideruan simbolike për shkallën e tragjedisë.