Më 10 qershor 1999, Sekretari i Përgjithshëm i NATO-së, Havijer Sollana, dha urdhrin për ndalimin e bombardimeve kundër forcave serbe në Kosovë. Në të njëjtën ditë, Këshilli i Sigurisë i OKB-së miratoi rezolutën 1244, duke autorizuar dërgimin e 37.200 ushtarëve të KFOR-it nga 36 vende të ndryshme. Më 12 qershor, në Kosovë zbarkuan trupat e para të këmbësorisë së NATO-s, ndërsa forcat serbe nisën largimin nga territori. Misioni i NATO-s u organizua në pesë zona përgjegjësie, të ndara mes forcave amerikane, angleze, franceze, gjermane dhe italiane, ndërkohë që u vendos edhe misioni i përkohshëm i OKB-së për administrimin e vendit. Në këtë periudhë u shpërbë Ushtria Çlirimtare e Kosovës, e cila u transformua në Trupat Mbrojtëse të Kosovës.