Aktualisht në Izrael ndodhen 40 shtetas shqiptarë, përfshirë studentë, të cilët janë në zona të sigurta të vendit. Deri më tani janë lëshuar 35 raketa nga Irani, kryesisht në veri dhe qendër të Izraelit, ndërsa në vend është shpallur gjendja e jashtëzakonshme dhe udhëtimet janë të ndaluara deri të hënën në orën 20:00. Ambasada shqiptare në Izrael është në kontakt të vazhdueshëm me shtetasit shqiptarë dhe ka marrë pasaportat biometrike për të koordinuar largimin e atyre që dëshirojnë të largohen përmes aeroportit Ben Gurion. Jeta në shumicën e territorit të Izraelit vijon normalisht, ndërsa ambasada bën thirrje për vetëdeklarim dhe komunikim të vazhdueshëm me institucionin diplomatik.