Presidenti i Finlandës, Alexander Stubb, ka deklaruar se nuk beson se Rusia do të ndërmerrte një sulm ndaj ndonjë vendi anëtar të NATO-s, duke e cilësuar si spekulative idenë e një sulmi të tillë deri në vitin 2029. Ai theksoi se nuk ka prova që mbështesin këtë skenar dhe se Rusia nuk do të kishte interes të përballej me aleancën më të fuqishme ushtarake në botë. Megjithatë, Stubb nënvizoi rëndësinë që vendet anëtare të mbeten vigjilente dhe të përgatiten për skenarin më të keq për ta parandaluar atë. Ai gjithashtu shprehu dyshime për përdorimin e armëve bërthamore nga Rusia në Ukrainë, duke përmendur se një zyrtar i lartë kinez e kishte siguruar se Pekini nuk do ta lejonte një zhvillim të tillë, ndërsa vuri në dukje se paralajmërimet e Moskës synojnë të përhapin frikë në Evropë.