Akuzat ndaj Princit Andrew janë thelluar me deklaratat e masazhatores Monique Giannelloni, e cila pretendon se në qershor të vitit 2000 ishte ftuar në Pallatin Buckingham për t’i bërë masazh ish Dukës së Jorkut. Ajo ka treguar se pagesa prej 75 paundësh u bë nga një llogari e Familjes Mbretërore dhe se Andrew kishte dalë nga banjoja pa rroba, duke e vendosur në një pozicion të sikletshëm. Një tjetër terapiste, Emma Gruenbaum, ka bërë akuza të ngjashme duke thënë se ish-princi kishte bërë komente dhe shfaqur sjellje të papërshtatshme gjatë seancave të masazhit në Royal Lodge. Këto zhvillime vijnë ndërsa Princi Andrew vazhdon të jetë nën hetim për lidhjet e tij me Jeffrey Epstein dhe përdorimin e fondeve publike gjatë kohës si i dërguar i Mbretërisë së Bashkuar.