Në Pentagon është aktivizuar një alarm sigurie pas sinjalit për praninë e mundshme të substancave të rrezikshme në ajër. Si masë paraprake, disa kate dhe korridore janë evakuuar dhe mbyllur, ndërsa personeli është urdhëruar të qëndrojë në vendet e tyre deri në njoftim të mëtejshëm. Ekipet e specializuara, përfshirë zjarrfikësit e Qarkut Arlington, po punojnë për të identifikuar burimin e alarmit, megjithëse ende nuk është konfirmuar nëse bëhet fjalë për rrjedhje kimike apo gaz. Autoritetet theksojnë se nuk ka persona të lënduar dhe situata vazhdon të monitorohet me kujdes, ndërsa hetimet për shkaqet e incidentit janë në zhvillim.