Në Austri është ngritur alarm për sigurinë ushqimore pas gjetjes së helm për minjtë në një kavanoz me ushqim për foshnje të kompanisë HiPP, konkretisht në produktin me karota dhe patate. Pas denoncimit të një klienti dhe analizave laboratorike, u konfirmua pranimi i substancës toksike, çka çoi në tërheqjen urgjente të produktit nga marketet dhe masa parandaluese për rreth 1,500 subjekte në Austri. Autoritetet në rajonin Burgenland raportuan kapakë të dëmtuar, mungesë të vulës së sigurisë dhe erë të pazakontë në kavanoza, ndërsa hetimet u shtrinë edhe në Republikën Çeke dhe Sllovaki, ku u gjetën mostra të ngjashme me substanca toksike. Kompania HiPP dyshon për ndërhyrje kriminale në zinxhirin e shpërndarjes dhe paralajmëron se konsumimi i produktit mund të jetë kërcënues për jetën, duke këshilluar qytetarët të mos konsumojnë produktet dhe t’i kthejnë në dyqane për rimbursim. Ngjarja ka rikthyer vëmendjen tek siguria ushqimore në Evropë dhe priten zhvillime të mëtejshme nga hetimet.