Arabia Saudite, Turqia dhe Pakistani po përgatiten të nënshkruajnë një marrëveshje të përbashkët mbrojtjeje në Xheda, me qëllim forcimin e bashkëpunimit strategjik dhe koordinimit ushtarak mes tyre. Kjo iniciativë vjen në një kohë kur situata në Lindjen e Mesme është e tensionuar, për shkak të konflikteve dhe sulmeve të vazhdueshme, veçanërisht nga Irani dhe aleatët e tij. Liderët kryesorë të tre vendeve, përfshirë Princin e Kurorës Saudite Mohammed bin Salman, presidentin turk Rexhep Tajip Erdogan dhe kryeministrin pakistanez Shahbaz Sharif, do të marrin pjesë në ceremoninë e nënshkrimit. Marrëveshja pritet të konsolidojë një aleancë ushtarake të fuqishme në rajon, duke reflektuar shqetësimet e përbashkëta për sigurinë dhe ndikimin e aktorëve të jashtëm në Lindjen e Mesme.