Ukraina dhe Gjermania kanë nënshkruar një marrëveshje për të përmirësuar kapacitetet raketore antibalistike të Kievit, në kuadër të takimit të Grupit të Kontaktit për Mbrojtjen e Ukrainës, të njohur si “Grupi Rammstein”. Presidenti ukrainas Volodymyr Zelensky kërkoi mbështetje të mëtejshme ushtarake, duke theksuar nevojën urgjente për artileri me rreze të gjatë, sisteme mbrojtëse të avancuara dhe mjete ajrore pa pilot, si dhe mekanizma të rinj financiarë për financimin afatgjatë të ushtrisë.