Ambasadori i Shqipërisë në Katar, Ermal Kaleci, ka bërë me dije se gjatë sulmeve të fundit iraniane ndaj Katarit janë plagosur 16 persona, por asnjë prej tyre nuk është shtetas shqiptar. Në Katar jetojnë rreth 200 shqiptarë, të cilëve ambasada u ka bërë thirrje të qëndrojnë në shtëpi dhe të ndjekin udhëzimet zyrtare, përveç rasteve urgjente. Aktualisht situata paraqitet e qetë, megjithëse vazhdojnë alarmet dhe pritjet për njoftim zyrtar mbi hapjen e hapësirës ajrore. Ambasada është në kontakt të vazhdueshëm me shqiptarët, përfshirë edhe dy familje turistësh që nuk kanë mundur të kthehen në vendin e origjinës.