Një anije e dytë turke ka kaluar Ngushticën e Hormuzit, duke shënuar një hap të rëndësishëm në rifillimin e kalimeve detare në këtë kanal të ngushtë pas bllokadës së shkaktuar nga konflikti i fundit. Ministri turk i Transportit, Abdulkadir Uraloglu, njoftoi se nga 15 anijet turke që ndodheshin në ngushticë kur shpërtheu lufta, dy prej tyre janë larguar, ndërsa katër të tjera janë ndaluar të dalin, përfshirë dy transportues energjie dhe dy anije të angazhuara në tregti rajonale. Ministritë e Transportit dhe të Jashtme po punojnë së bashku për të siguruar largimin e nëntë anijeve të mbetura. Kalimi i anijes së parë u bë më 13 mars pas marrjes së lejes nga autoritetet iraniane, ndërsa data e saktë e kalimit të anijes së dytë nuk është bërë ende publike.