Arabia Saudite ka dënuar ashpër sulmet hakmarrëse të Iranit ndaj bazave ushtarake amerikane dhe vendeve arabe në rajon, duke i cilësuar ato si një "agresion flagrant iranian" dhe shkelje të sovranitetit të Emirateve të Bashkuara Arabe, Bahreinit, Katarit, Kuvajtit dhe Jordanisë. Sulmet iraniane erdhën si kundërpërgjigje ndaj sulmeve izraelito-amerikane ndaj Teheranit dhe qyteteve të tjera iraniane. Raketat iraniane u ndaluan mbi disa qytete të rëndësishme si Abu Dhabi, Dubai, Kuvajt dhe Katari, ku gjatë një prej sulmeve mbi Abu Dhabi humbi jetën një person. Arabia Saudite shpreh solidaritet të plotë dhe mbështetje të palëkundur për vendet vëllazërore dhe paralajmëron për pasojat e rënda që sjell shkelja e vazhdueshme e sovranitetit dhe parimeve të së drejtës ndërkombëtare.