Një avion Typhoon i Ushtrisë Ajrore Britanike, i dislokuar në Katar, ka rrëzuar një dron iranian, duke shënuar herën e parë që një avion britanik ndërhyn që nga nisja e sulmeve të SHBA-së dhe Izraelit ndaj Iranit. Operacioni u cilësua si mbrojtës nga autoritetet britanike, të cilat theksuan se prania e tyre në rajon ka për qëllim mbrojtjen e forcave dhe interesave të Mbretërisë së Bashkuar, pa marrë pjesë në sulmet e drejtpërdrejta. Në përgjigje të tensioneve në Lindjen e Mesme, qeveria britanike ka këshilluar shtetasit e saj të qëndrojnë në vende të sigurta dhe ka aktivizuar skemën “register your presence” për të informuar dhe mbrojtur rreth 76,000 shtetas britanikë në rajon. Megjithatë, evakuimi i tyre në afat të shkurtër duket i pamundur për shkak të mbylljes së hapësirës ajrore në zonë.