Avioni që po transportonte kryeministrin spanjoll Pedro Sánchez drejt Armenisë është detyruar të bëjë një ulje emergjente në Ankara për shkak të një problemi teknik. Incidenti ndodhi gjatë fluturimit për në Erevan, ku Sánchez do të merrte pjesë në Samitin e Komunitetit Politik Europian. Për arsye sigurie, avioni devijoi dhe u ul në kryeqytetin turk, ndërsa autoritetet njoftuan se nuk ka rrezik për pasagjerët. Delegacioni spanjoll do të qëndrojë në Ankara gjatë natës dhe do të vazhdojë udhëtimin drejt Armenisë pasi të zgjidhet problemi teknik.