Rreth 60 mijë banorë në rajonin Gironde të Francës janë lejuar të rikthehen në shtëpitë e tyre, pasi zjarri masiv pyjor në perëndim të Bordosë është vënë nën kontroll nga autoritetet lokale. Megjithatë, zjarrfikësit vazhdojnë të punojnë për shuarjen e tri vatrave të reja në zonat Sainte-Helene, Saint-Jean-d’Illac pranë aeroportit të Bordosë dhe Lanton. Zona e prekur nga zjarri mbetet rreth 42 mijë hektarë dhe nuk ka pësuar ndryshime gjatë 48 orëve të fundit. Banorët e komunave në periferi të Bordosë, si Eysines, Merignac dhe Le Haillan, janë ndër të parët që kanë marrë lejen për kthim, ndërsa situata mbetet e ndjeshme dhe nën vëzhgim të vazhdueshëm.