Bashkimi Evropian ka dënuar aktivitetet destabilizuese të Rusisë në Ballkanin Perëndimor, duke theksuar se marrëdhëniet me Moskën nuk mund të vazhdojnë si zakonisht për shkak të agresionit rus ndaj Ukrainës. Në këtë kontekst, Komisioni Evropian ka reaguar ndaj bashkëpunimit ndërmjet policisë së Republikës Sërpska dhe Rusisë, duke theksuar se entitetet në Bosnje dhe Hercegovinë duhet të respektojnë Kushtetutën dhe vendimet e institucioneve shtetërore, pasi politika e jashtme është kompetencë ekskluzive e shtetit. Më 23 qershor, ministri i Punëve të Brendshme i Republikës Sërpska nënshkroi në Moskë një memorandum bashkëpunimi me një zyrtar të Ministrisë së Brendshme ruse, i cili është i sanksionuar nga BE-ja, duke vazhduar një bashkëpunim që përfshin shkëmbimin e informatave dhe trajnime profesionale. Parlamenti Evropian ka miratuar një rezolutë që dënon këtë bashkëpunim, duke e cilësuar atë si një rrezik për sigurinë dhe stabilitetin e Bosnje dhe Hercegovinës, ndërsa zbatimi i sanksioneve kundër Rusisë kundërshtohet nga udhëheqësit e Republikës Sërpska.