Bashkimi Evropian ka reaguar ndaj shqetësimeve për mungesën e karburantit për avionët, duke siguruar se aktualisht nuk ka probleme në furnizim. Komisioneri Evropian për Transportin dhe Turizmin, Apostolos Tzitzikostas, gjatë një takimi të ministrave të transportit në Qipro, theksoi se nuk ka shenja të mungesës së karburantit dhe se BE-ja do të prezantojë një plan për të adresuar çdo rrezik të mundshëm javën e ardhshme. Ai bëri thirrje që turistët dhe udhëtarët të mos anulojnë planet e tyre të udhëtimeve dhe pushimeve, duke paralajmëruar se një krizë e tillë do të kishte pasoja të rënda në sektorin e turizmit. Mesazhi kryesor ishte që qytetarët dhe turistët të vazhdojnë të rezervojnë udhëtimet, për të shmangur një spirale negative që mund të godasë ekonominë e bllokut.