Bashkimi Evropian po ushtron presion mbi kompaninë Meta për të ndryshuar funksionet e Facebook-ut dhe Instagram-it që nxisin përdorimin e tepruar dhe varësinë, veçanërisht tek të miturit. Komisioni Evropian kritikon mekanizmat si rrjedha e pafund e postimeve, rekomandimet shumë të personalizuara dhe nisjen automatike të videove, të cilat mbajnë përdoruesit të lidhur gjatë në platformë dhe rrisin të ardhurat nga reklamat. Autoritetet evropiane shprehin shqetësim edhe për kontrollet prindërore dhe mjetet për kufizimin e kohës së përdorimit, të cilat i konsiderojnë joefektive dhe të ndërlikuara. Meta ka kundërshtuar këto vlerësime, duke theksuar masat e marra për mbrojtjen e të rinjve, por nëse nuk përmbush kërkesat e BE-së, mund të përballet me gjoba të mëdha.