Parlamenti Europian ka miratuar një ligj të ri, të njohur si “Rregullorja e Kthimit”, që synon përshpejtimin e deportimit të emigrantëve pa të drejtë qëndrimi në Bashkimin Europian. Ky ligj përfshin mundësinë që shtetet anëtare të krijojnë qendra deportimi jashtë territorit të BE-së, nëpërmjet marrëveshjeve me vende të treta, ku migrantët mund të qëndrojnë për periudha të gjata si pika tranziti apo si struktura pritjeje. Të miturit e pashoqëruar përjashtohen nga këto masa, ndërsa familjet me fëmijë mund të transferohen në këto qendra, duke ngjallur debate të forta në Parlamentin Europian mes mbështetësve dhe kundërshtarëve të ligjit. Votimi me 418 pro, 218 kundër dhe 30 abstenime, shënon forcimin e bashkëpunimit mes forcave të qendrës së djathtë dhe partive të djathta në çështjet e migracionit, duke krijuar një shumicë të re politike në këtë fushë.