Bashkimi Evropian po shqyrton masa të reja kufizuese ndaj shtetasve rusë si pasojë e luftës në Ukrainë, duke synuar të forcojë sigurinë e brendshme të zonës Shengen. Presidentja e Komisionit Evropian, Ursula von der Leyen, ka propozuar vazhdimin e mbrojtjes së përkohshme për qytetarët ukrainas që kanë ikur nga konflikti, por me kufizime të mundshme për burrat në moshë ushtarake, për të mos dëmtuar kapacitetin mbrojtës të Ukrainës.