Bashkimi Evropian po planifikon të ndalojë fondet e destinuara për Serbinë për shkak të regresit në reformat pro-evropiane, veçanërisht në fushën e reformave gjyqësore. Komisionerja për Zgjerim, Marta Kos, do ta njoftojë këtë vendim në një takim të Parlamentit Evropian, duke theksuar se miratimi i ligjeve të diskutueshme "Mrdiç" po e largon Serbinë nga rruga drejt BE-së. Serbia pritet të humbasë 1.5 miliardë euro nga “Plani i Rritjes”, ndërsa vendimi përfundimtar do të merret pas opinionit të Komisionit të Venedikut. Për më tepër, të gjitha vendet e Ballkanit Perëndimor rrezikojnë të humbasin mbi 700 milionë euro nëse nuk përmbushin detyrat e reformës deri më 30 qershor, një afat që tashmë është shtyrë.