Bisedimet mes Shteteve të Bashkuara dhe Iranit në Islamabad, Pakistan, po vazhdojnë dhe pritet të zgjasin edhe disa orë, madje mund të hyjnë edhe në ditën e diel. Raundi i dytë i bisedimeve nisi në mbrëmje pas një pauze të shkurtër, gjatë së cilës palët diskutuan me ekspertët teknikë për çështjet në tryezë. Ndërmjetës në këto bisedime janë kryeministri pakistanez Shehbaz Sharif dhe shefi i Ushtrisë, Asim Munir, të cilët po bëjnë përpjekje për të shmangur dallimet dhe për të siguruar një marrëveshje paqësore. Zyrtarët pakistanezë shprehen optimistë për një zgjidhje "win-win" që do të përfitojnë të dy palët.