Sekretarja e Shtypit e Shtëpisë së Bardhë, Karoline Leavitt, ka deklaruar se bisedimet me Iranin janë produktive dhe vazhdojnë në mënyrë të rregullt, duke hedhur poshtë raportimet për një kërkesë zyrtare të SHBA-së për zgjatjen e armëpushimit. Ajo theksoi se nuk ka pasur asnjë kërkesë të tillë nga Uashingtoni dhe se negociatat mund të zhvillohen sërish në Pakistan, vend ku janë mbajtur edhe raundet e mëparshme. Shtëpia e Bardhë mbetet e angazhuar fuqishëm në këtë proces dhe ndjehet optimiste për perspektivën e një marrëveshjeje që është në interes të të dyja palëve. Gjithashtu u bë e ditur se SHBA nuk do të rinovojë licencat për blerjen e naftës ruse dhe iraniane, duke treguar një qëndrim të prerë në këtë çështje.