Bordi i Paqes ka hapur zyrtarisht faqen e tij të internetit, duke shënuar një hap të rëndësishëm në ndërtimin e një arkitekture më efektive dhe pragmatike për paqen ndërkombëtare. Në faqen zyrtare janë publikuar 28 shtetet themeluese të këtij mekanizmi, ku përfshihen edhe Kosova dhe Shqipëria, së bashku me vende të tjera nga Evropa, Azia, Afrika dhe Amerika Latine. Deklarata themeluese thekson nevojën për një qasje pragmatike dhe guxim për t’u larguar nga institucionet që shpesh kanë dështuar, si dhe rëndësinë e fuqizimit të qytetarëve dhe partneriteteve të qëndrueshme për ndërtimin e paqes afatgjatë. Palët themeluese janë zotuar të krijojnë një koalicion shtetesh të gatshme për bashkëpunim praktik dhe veprim efektiv, duke miratuar Kartën e Bordit të Paqes dhe duke kërkuar një trupë ndërkombëtare më fleksibile dhe efektive në fushën e paqebërjes.