Mbretëria e Bashkuar ka miratuar një ligj të ri që ndalon përgjithmonë blerjen e duhanit për të rinjtë nën 18 vjeç dhe për gjeneratat e ardhshme. Sipas ligjit “Tobacco and Vapes Bill”, mosha për blerjen e duhanit do të rritet çdo vit, duke filluar nga të lindurit më 1 janar 2009, duke bërë që këto gjenerata të mos kenë kurrë të drejtë për blerje. Ligji përfshin edhe masa të forta kundër përdorimit të vape, duke ndaluar shitjen dhe kufizuar reklamimin për të miturit. Qeveria synon me këtë masë uljen e duhanpirjes, reduktimin e varësisë nga nikotina dhe lehtësimin e presionit mbi sistemin shëndetësor, duke pasur parasysh se duhani shkakton mijëra vdekje dhe shtrime në spital çdo vit në Angli.