Ministria e Jashtme e Mbretërisë së Bashkuar ka përditësuar listën e vendeve ku këshillohet shmangia e udhëtimeve për shkak të situatës së tensionuar në Lindjen e Mesme dhe konflikteve të ndryshme. Në total janë 76 vende ku udhëtimet janë të ndaluara përveç rasteve të domosdoshme, ndër to edhe Kosova, e cila është renditur në grupin e vendeve ku duhet shmangur çdo udhëtim përveç atij të domosdoshëm. Lista përfshin vende me konflikte të theksuara si Afganistani, Iraku, Siria, Irani, Rusia dhe shumë të tjera në Lindjen e Mesme, Afrikë dhe Azi. Për më tepër, disa linja ajrore kanë anuluar fluturime drejt Lindjes së Mesme dhe po monitorojnë situatën për shkak të mbylljes së hapësirës ajrore në rajon.