Bashkia e Buenos Aires ka marrë një vendim të pazakontë duke ndaluar hyrjen në stadiumet e Botërorit 2026 për prindërit që nuk paguajnë pensionin për fëmijët e tyre. Kjo masë prek rreth 13,000 nëna dhe baballarë dhe është zbatuar në bashkëpunim me qeverinë kombëtare përmes programit ‘Tribuna Segura’, me qëllim përforcimin e kontrolleve gjatë ngjarjes së madhe sportive. Kryetari i bashkisë, Jorge Macri, theksoi se mosplotësimi i këtij detyrimi themelor, si ushqimi i fëmijëve, do të ketë pasoja të drejtpërdrejta. Personat e prekur kanë ende mundësi të rregullojnë situatën përpara ndeshjes së parë të Argjentinës në Botëror, që do të zhvillohet më 17 qershor kundër Algjerisë.