Një memorandum sekret i CIA-s i vitit 1993 paralajmëronte se Serbia synonte krijimin e një “Serbie të Madhe” etnikisht të pastër, duke përfshirë spastrimin etnik të Kosovës dhe destabilizimin e Ballkanit. Dokumenti theksonte se presidenti serb Slobodan Millosheviq dhe nacionalistët serbë ishin të vendosur të ndjekin këtë projekt me çdo kusht, dhe se pa ndërhyrje ndërkombëtare të fuqishme, kjo do të shkaktonte konflikte të mëdha në rajon. Në analizë përmendej nevoja për masa të forta si sanksione ekonomike, izolim politik dhe ndërhyrje ushtarake për të ndaluar këto plane. Deklarata e fundit e ministres serbe Snezana Paunoviq, e cila pranoi se do të kishte spastruar etnikisht Kosovën në vitin 1998 po të ishte në vend të Millosheviqit, ka shkaktuar reagime të ashpra dhe rikthen në vëmendje kërcënimet e dokumentit të CIA-s.