Presidenti amerikan Donald Trump ka deklaruar se çmimet e naftës do të bien sapo situata në Ngushticën e Hormuzit të stabilizohet. Ai nuk dha shifra të sakta për numrin e tankerëve të naftës që kanë kaluar përmes këtij rajoni strategjik, por theksoi se janë “shumë”. Trump shprehu besimin se zgjidhja e situatës nuk do të zgjasë shumë dhe normalizimi i qarkullimit të naftës mund të sjellë një rënie të ndjeshme të çmimeve, madje edhe më poshtë se nivelet e mëparshme. Këto deklarata vijnë ndërsa Shtetet e Bashkuara përballen me presion politik për shkak të rritjes së çmimeve të karburanteve, një sfidë që mund të ndikojë në zgjedhjet e ardhshme të mesmandatit.