Çmimet e naftës u rritën me rreth 6 për qind, duke kaluar 100 dollarë për fuçi, pas vendimit të ushtrisë amerikane për të bllokuar anijet që nisen nga portet e Iranit në Ngushticën e Hormuzit. Teherani kërcënoi me hakmarrje ndaj porteve të vendeve fqinje në Gjirin Persik, duke shkaktuar shqetësime për pengesa të mëtejshme në dërgesat e energjisë. Dy anije transportuese të naftës iraniane dolën nga Gjiri Persik, ndërsa disa anije filluan të shmangin këtë rrugë detare kyçe, ku kalojnë rreth 20 për qind e dërgesave globale të naftës dhe gazit natyror të lëngëzuar. Arabia Saudite riktheu kapacitetin e plotë të prodhimit të naftës përmes naftësjellësit Lindje-Perëndim pas sulmeve iraniane, ndërsa OPEC uli parashikimin për kërkesën globale për naftë në tremujorin e dytë të vitit për 500 mijë fuçi në ditë.