Çmimet ndërkombëtare të naftës u rritën ndjeshëm në tregjet aziatike pas deklaratës së presidentit amerikan Donald Trump, i cili hodhi poshtë përgjigjen e Iranit ndaj propozimeve të SHBA-së për t’i dhënë fund luftës. Teherani, përmes Pakistanit si ndërmjetës, kërkoi një përfundim të menjëhershëm të konfliktit dhe garanci për mos-sulm të mëtejshëm nga SHBA dhe Izraeli. Rruga kryesore ujore e Ngushticës së Hormuzit mbetet e mbyllur që nga fillimi i luftës në fund të shkurtit, duke ndikuar rëndë në furnizimet globale me naftë dhe gaz. Ndërkohë, kryeministri izraelit Benjamin Netanyahu theksoi se konflikti nuk do të marrë fund pa eleminuar rezervat iraniane të uraniumit të pasuruar, ndërsa armëpushimi i shpallur në prill është kryesisht respektuar, megjithëse shkëmbime sulmesh vazhdojnë.