Pas një mesazhi nga presidenti amerikan Donald Trump për ndërprerjen e konfliktit me Iranin, çmimi i naftës në bursën botërore ka filluar të ulet gradualisht. Megjithatë, në Kosovë, çmimi i naftës dhe i produkteve të lidhura nuk po pësojnë ulje të ndjeshme. Ekspertët e ekonomisë shpjegojnë se kompanitë kanë tendencë të rrisin shpejt çmimet, por i ulin ngadalë, duke synuar fitime të larta. Për më tepër, shërbimet dhe produktet që u shtrenjtuan për shkak të çmimeve të larta të derivateve nuk pritet të kthehen në nivelet e mëparshme për shkak të interesave të politikës dhe biznesit.