Zëvendëskryeministri dhe ministri i Jashtëm belg, Maxime Prévot, ka dënuar me forcë nderimet e rezervuara për funeralin e ish-komandantit të Ushtrisë së Republika Srpska, Ratko Mladiq, duke e cilësuar atë si një kriminel lufte të dënuar për krime kundër njerëzimit dhe gjenocid. Ai e ka quajtur këtë akt si një mungesë respekti të thellë ndaj viktimave dhe familjeve të tyre, duke e cilësuar si turp. Ministri belg ka dërguar këtë mesazh edhe homologut të tij serb, duke paralajmëruar se veprime të tilla largojnë Serbinë nga vlerat themelore të Bashkimit Evropian. Sipas tij, kjo sjellje është në kundërshtim me pritshmëritë ndaj vendeve kandidate për anëtarësim në BE, veçanërisht në aspektin e respektit për dinjitetin njerëzor dhe luftën kundër pandëshkueshmërisë.