Presidenti amerikan Donald Trump pranoi një unazë të veçantë prej ari 18-karatësh, e zbukuruar me 321 diamante, 56 safirë, 13 smeralde dhe 6 rubinë, për të shënuar 250-vjetorin e Pavarësisë së Shteteve të Bashkuara. Kjo bizhuteri luksoze, e quajtur “Freedom 250”, iu dorëzua ambasadorit amerikan në Belgjikë gjatë një ceremonie në Bruksel, me qëllim që të përcillet më pas te Trump. Unaza përmban simbole të shumta amerikane dhe referenca të mandateve presidenciale të Trumpit, ndërsa në brendësi është gdhendur mbishkrimi që tregon origjinën e saj nga Antverpeni.