Banka Qendrore Evropiane ka përzgjedhur 10 dizajne finale për kartëmonedhat e ardhshme euro, të bazuara në temat e kulturës evropiane dhe natyrës. Për herë të parë, votimi për dizajnin do të jetë i hapur edhe për qytetarët e vendeve që nuk janë pjesë e eurozonës, si Kosova dhe Mali i Zi, të cilët përdorin euron si monedhë zyrtare. Përveç tyre, pjesëmarrës në votim do të jenë edhe qytetarët e Andorrës, Monakos, Vatikanit dhe San Marinos. Megjithatë, vendimi përfundimtar për dizajnin e kartëmonedhave do të merret nga Këshilli Drejtues i BQE-së, duke u bazuar në rezultatet e anketave dhe vlerësimin profesional.