Mosab Hassan Yousef, djali i një prej themeluesve të Hamasit dhe ish-informator i agjencisë izraelite Shin Bet, ka shkaktuar reagime të forta në Shtetet e Bashkuara pas një fjalimi ku kërkoi largimin e myslimanëve nga Amerika. Gjatë një samiti hebreo-amerikan në Los Angeles, ai përdori një gjuhë shumë fyese ndaj myslimanëve dhe besimit islam, duke thënë se nuk i intereson Kurani dhe profeti i tyre. Fjalimi u prit me duartrokitje nga një pjesë e audiencës dhe u mbështet nga organizata pro-Izraelit, ndërsa në samit morën pjesë edhe ambasadorë izraelit dhe amerikan. Mosab Hassan Yousef, i cili u konvertua në krishterim dhe është kritik i ashpër i Hamasit dhe Islamit, ka një histori të njohur ndërkombëtare për bashkëpunimin e tij me shërbimet izraelite dhe për dokumentarin “The Green Prince” që trajton jetën e tij.