Draftet e një marrëveshjeje të mundshme mes SHBA-së dhe Iranit po qarkullojnë dhe janë në faza shumë të avancuara, sipas zyrtarëve nga Katari, megjithatë nuk ka ende bisedime të drejtpërdrejta të planifikuara. Kjo marrëveshje synon një zgjidhje diplomatike afatshkurtër për situatën në Ngushticën strategjike të Hormuzit, ku tensionet vazhdojnë të rriten. Irani paralajmëron se nuk do të lejojë që SHBA-ja të vazhdojë bllokadën detare ndaj eksporteve dhe anijeve iraniane, duke kërcënuar se do të kontrollojë rrugën e kalimit dhe do të synojë anijet luftarake amerikane në rrugë alternative. Analistët e transportit detar janë më pak optimistë për rikthimin e trafikut normal në Hormuz, duke vlerësuar se kalojnë shumë pak anije në ditë, ndryshe nga deklaratat optimiste të sekretarit amerikan të Thesarit për një marrëveshje të mundshme në ditët në vijim.