Dy rafineri të mëdha nafte në Rusi, ajo në Syzran të rajonit të Samarës dhe në Ilsky të Krasnodarit, janë përfshirë nga zjarri pas sulmeve të shumta, ku rafineria e Syzranit u godit të paktën tri herë gjatë ditës nga dronë ukrainas. Pamjet tregojnë shtëllunga të dendura tymi të zi që janë parë edhe nga largësi, duke sinjalizuar dëme të konsiderueshme në kapacitetet e përpunimit të naftës. Sulmet janë pjesë e strategjisë ukrainase për të goditur infrastrukturën energjetike ruse dhe për të kufizuar furnizimin me karburant të forcave dhe tregut të brendshëm rus. Kjo situatë ka shkaktuar vështirësi në furnizimin e tregut të brendshëm rus, duke detyruar Rusinë të kërkojë karburant nga vendet fqinje, përfshirë Bjellorusinë, aleatin e saj të ngushtë.