Gazeta Vijesti nga Podgorica raporton se anëtarë të organizatave kriminale përdorën sistemin e komunikimit Sky për të diskutuar fshehjen e dërgesave të kokainës në ambasadën serbe në Lisbonë. Sipas mesazheve të zbuluara, ambasada u përshkrua si një "shtëpi e sigurt" për mallrat e paligjshme, ku një prej komunikuesve ofronte edhe kontaktin e ambasadorit për siguri. Një ish-deputet i Frontit Demokratik të Malit të Zi, i arrestuar më parë për kontrabandë droge, përmendet në këto mesazhe që lidhen me këtë skemë. Ministritë e Brendshme dhe e Jashtme të Serbisë nuk kanë dhënë përgjigje lidhur me këto akuza.