Ministria e Mbrojtjes së Finlandës njoftoi dyshimet për një shkelje të hapësirës së saj ajrore nga një avion rus, duke theksuar se çdo incident i tillë trajtohet me seriozitet dhe po hetohet. Ky është një rast i tretë i dyshuar brenda këtij viti, pasi në maj dhe qershor ishin raportuar shkelje të ngjashme nga avionë ushtarakë rusë. Përveç avionëve, autoritetet finlandeze janë të shqetësuara edhe për rrezikun në rritje të dronëve me rreze të gjatë, të cilët mund të depërtojnë në territorin e tyre, sidomos në kontekstin e luftës në Ukrainë.