Një shpërthim i virusit Ebola në Afrikën Lindore ka vënë në alarm autoritetet shëndetësore në vendet pritëse të Kupës së Botës 2026, duke shkaktuar anulime ndeshjesh dhe masa të forta kontrolli në aeroportet amerikane. Ndërsa Kongoja Demokratike është lejuar të marrë pjesë në garë, shqetësimet mbeten të larta për përhapjen e llojit të rrallë Bundibugyo të virusit, i cili ka infektuar qindra persona dhe ka shkaktuar dhjetëra vdekje. Autoritetet amerikane kanë blinduar aeroportet kryesore, duke vendosur kontrolle shëndetësore të rrepta për udhëtarët nga zonat e prekura, ndërsa ekipi i RDK-së do të stërvitet në Hjuston dhe do të luajë në disa qytete të SHBA-së. Megjithë frikën dhe masat e marra, organizatorët dhe autoritetet lokale theksojnë se situata është nën kontroll dhe Ebola ka një shkallë ngjitjeje më të ulët se COVID-19.