Autoritetet shëndetësore në Kongo po përballen me një shpërthim të ri të virusit Ebola, i cili po përhapet me shpejtësi dhe po krijon sfida të mëdha në trajtim. Raste të para u identifikuan në fund të prillit në qytetin Bunia, por ekspertët dyshojnë se virusi ka qarkulluar për javë pa u zbuluar, pasi testimet fillestare ishin të fokusuar në llojet më të zakonshme të virusit. Shpërthimi aktual është shkaktuar nga varianti Bundibugio, një formë shumë e rrallë e Ebola-s për të cilën nuk ekziston vaksinë apo trajtim i provuar shkencërisht. Mjekët paralajmërojnë se vonesat në kërkimin e ndihmës mjekësore dhe mosbesimi i komuniteteve ndaj institucioneve po e vështirësojnë përballimin e epidemisë, ndërsa stafi mjekësor kërkon mbështetje shtesë për të ndaluar përhapjen dhe për të shpëtuar jetë.