Numri i rasteve të Ebola-s në Republikën Demokratike të Kongos ka kaluar 7,000, me mbi 3,300 viktima, sipas të dhënave më të fundit të autoriteteve shëndetësore. Shpërthimi, i shkaktuar nga tipi “Bundibugyo” i virusit, është përhapur në shtatë provinca dhe besohet se ka qënë i fshehur për muaj të tërë para se të zbulohej. Megjithëse numri i rasteve është rritur me ritmin më të shpejtë të regjistruar ndonjëherë në një epidemi të Ebola-s, autoritetet shëndetësore dhe ekspertët shprehin optimizëm për ngadalësimin e përhapjes, veçanërisht në provincën Ituri ku është vërejtur një rënie e lehtë e rasteve dhe e viktimave. Sëmundja mbetet shumë e rrezikshme, transmetohet përmes kontaktit fizik dhe me lëngjet trupore, dhe për momentin nuk ekziston vaksinë apo trajtim specifik për këtë variant të virusit.