Miliarderi amerikan Elon Musk ka shkaktuar reagime të shumta pas publikimit të një inserti nga filmi "World War Z", ku migrantët që tentuan të hyjnë në enklavën spanjolle Ceuta u krahasuan me turma "zombish". Në postimin e tij, Musk kritikoi kryeministrin spanjoll Pedro Sanchez për politikat e migracionit, duke përdorur pamjet e filmave për të komentuar situatën në kufirin mes Marokut dhe Ceutës, ku mijëra migrantë tentuan të kalojnë barrierat kufitare. Për shkak të krizës, Spanja dërgoi forca shtesë policore dhe ushtarake për të kontrolluar kufirin, ndërsa autoritetet raportuan për viktima dhe mbingarkesë të shërbimeve lokale. Krahasimi i Musk u kritikua nga disa si i papërshtatshëm dhe nxitës, ndërsa mbështetësit e tij e panë si një shprehje shqetësimi për kontrollin e kufijve dhe politikat migratore në Evropë.