Presidenti turk Recep Tayyip Erdogan zhvilloi një bisedë telefonike me kryeministrin britanik Keir Starmer, ku shprehën shqetësimet për përshkallëzimin e tensioneve në Lindjen e Mesme pas sulmeve të SHBA-së dhe Izraelit ndaj Iranit. Erdogan theksoi se ndërhyrjet e vazhdueshme mund të shkaktojnë dëme të mëdha për stabilitetin rajonal dhe global, duke nënvizuar nevojën për krijimin e një platforme dialogu dhe përpjekjet për paqe. Diskutimi përfshiu edhe marrëdhëniet dypalëshe midis Turqisë dhe Mbretërisë së Bashkuar, ku Erdogan riafirmoi angazhimin për thellimin e bashkëpunimit, veçanërisht në industrinë e mbrojtjes. Të dy udhëheqësit u dakorduan për vazhdimin e hapave për avancimin e bashkëpunimit në sektorë të ndryshëm.