Presidenti turk, Rexhep Erdogan, ka bërë thirrje që lufta në Iran të ndalet sa më shpejt përpara se konflikti të përhapet dhe të shkatërrojë të gjithë rajonin. Ai paralajmëroi se nëse lufta vazhdon, do të ketë humbje të mëdha jete dhe dëme ekonomike globale. Erdogan theksoi se diplomacisë duhet t’i jepet një shans dhe se Turqia po punon për të rikthyer palët në tryezën e negociatave për paqe. Ndërkohë, NATO ka rrëzuar disa dronë dhe raketa iraniane që kishin shkelur hapësirën ajrore të Turqisë, por Teherani ka mohuar se kishte synuar Turqinë në këto sulme.