Presidenti turk Recep Tayyip Erdogan i ka bërë thirrje Greqisë që të ndalojë militarizimin e ishujve të Egjeut, të cilët sipas traktateve ndërkombëtare duhet të jenë të çmilitarizuar. Ai paralajmëroi se qasja paqësore e Turqisë nuk duhet të interpretohet si dobësi dhe theksoi se Ankaraja nuk do të lejojë shkeljen e të drejtave që i takojnë. Erdogan theksoi gjithashtu rëndësinë e respektimit të traktateve ndërkombëtare për stabilitetin rajonal dhe i bëri thirrje Athinës të ndryshojë kurs dhe të largohet nga ajo që e cilësoi si një rrugë të gabuar.