Presidenti turk Recep Tayyip Erdogan ka reaguar ashpër ndaj përshkallëzimit të tensioneve në Lindjen e Mesme, pas lëshimit të dy raketave nga Irani drejt hapësirës ajrore të Turqisë. Ai ka theksuar se pavarësisht paralajmërimeve të vazhdueshme nga Ankaraja, Irani vazhdon të ndërmarrë hapa provokues që rrezikojnë stabilitetin rajonal dhe marrëdhëniet vëllazërore mes dy vendeve. Njëra nga raketat u neutralizua nga sistemet e mbrojtjes ajrore të NATO-s, ndërsa mbetjet ranë në një zonë të pabanuar pranë Gaziantepit, pa shkaktuar viktima apo dëme. Erdogan ka bërë thirrje për përmbajtje dhe ka nënvizuar se Turqia do të vazhdojë të mbrojë sigurinë kombëtare në koordinim me aleatët, duke monitoruar hapësirën ajrore me avionë luftarakë dhe pajisje të tjera ushtarake.