Vullkani Etna në Sicili ka shpërthyer për të pestën ditë radhazi, duke shkaktuar ndërprerje të mëdha në trafikun ajror dhe bllokim të mijëra turistëve në ishull. Aeroporti i Katanias është mbyllur për fluturime deri të mërkurën, ndërsa më shumë se 200 fluturime janë anuluar ose kanë ndryshuar itinerar, duke krijuar skena kaotike dhe duke detyruar disa familje të kalojnë natën në aeroport. Turistët po përballen me vështirësi të mëdha për t’u larguar, ndërsa çmimet e transportit janë rritur në mënyrë spekulative dhe trenat janë plotësisht të rezervuar. Përveç ndikimit në udhëtimet, hiri vullkanik po ndikon edhe në jetën e përditshme të banorëve dhe turistëve, duke ndotur ajrin dhe lëkurën në temperaturat e larta të verës.